Fyrirtækið Umslag hefur fengið ISO 27001 öryggisvottun og er fyrst íslenskra fyrirtækja í prentiðnaði til að fá slíka vottun.

Með þessari öryggisvottun er tryggt að Umslag fylgi ströngum kröfum um rétta meðhöndlun gagna og upplýsinga, einnig notkun réttra ferla í rekstri og aðbúnaði.

Staðlarnir innan ISO 27001 eru eftirfarandi ..

• ÍST ISO/IEC 27001 Upplýsingatækni – Öryggistækni – Stjórnkerfi upplýsingaöryggis – Kröfur
• Hins vegar staðalinn ÍST ISO/IEC 27002 Upplýsingatækni – Öryggistækni – Starfsvenjur fyrir stjórnun upplýsingaöryggis

ISO-vottunin nær yfir alla starfsemi Umslags og endurnýjar Breska staðlastofnunin ( BSI ) hana árlega, samhliða því að taka út alla þættina sem að vottuninni snúa.

Skoða frétt frá Stjórnvísi um ISO vottun Umslag ..

Umslag leggur mikla áherslu á að geta sýnt fram á að kröfunum, sem settar eru fram í vottuninni, sé framfylgt með viðeigandi hætti enda er það vottur um metnað fyrirtækisins til að vera fremst í flokki fyrirtækja í prent- og gagnavinnslu.