Skip to main content
All Posts By

a8

HeimsóknirStarfsmenn
júní 11, 2014

Gildi Umslags yfirfarin

Líkt og mörg önnur fyrirtæki hefur Umslag sett sér gildi sem við reynum eftir bestu getu að fylgja. Gildin okkar eru: Þjónusta – lausnir – traust – samheldni. Til að skerpa á þessari gildisvinnu okkar fengum við Maríu Árnadóttur markþjálfa til okkar til að vinna frrekar með okkur í gildismálum. Starfsfólkinu var skipt upp í fjóra hópa og hver hópur átti í framhaldi að rökstyðja styrk þess gildis sem honum var úthlutað. Í framhaldi átti einn úr hverjum hópi að útskýra þennan rökstuðning. Þessi vinna skilaði mjög góðum árangri og mjög gaman að sjá hvernig hver hópur fyrir sig kynnti niðurstöður sínar. Þessi vinna mun örugglega styðja enn frekar við þá vinnu sem við starfsmennirnar innum af hendi til að hafa gildin okkar virk. Stefnt er á, að svona yfirferð verði gerð að reglulegum atburði.
Óflokkað
maí 6, 2014

Úttekt ISO 27001

Úttekt vegna ISO 27001 öryggisvottunar Umslags  Á hverju ári á sér stað innri úttekt vegna ISO 27001 öryggisvottunar Umslags. Ein slík var framkvæmd mánudaginn 5. maí s. l. af úttektarmanni frá BSI. Það er ánægjulegt að segja frá því að úttektin gekk mjög vel.  Rétt er að geta þess að Umslag er fyrst íslenskra fyrirtækja í prentiðnaði til að fá slíka vottun. Vottunin nær yfir alla starfsemi Umslags.  Næsta úttekt mun svo eiga sér stað í maí á næsta ári
HeimsóknirKynningar
apríl 2, 2014

Fyrirlestur

Innleiðing 27001 öryggisstaðalsins hjá fyrirtækinu Umslagi ehf Fyrirlestur var haldinn í morgun þann 2.apríl hjá Umslagi á vegum Stjórnvísi . Fyrirlesari var Ingvar Hjálmarsson gæðastjóri hjá Umslagi. Fyrirtækið Umslag fékk ISO 27001 öryggisvottun í maí árið 2013. Farið var yfir hver var ástæða þess að fyrirtækið ákvað að taka upp staðalinn og hvernig innleiðingin og starfið gekk fyrir sig og hvaða breytingar hafa orðið á rekstri fyrirtækisins. Farið var yfir skrif öryggishandbókar, starf öryggishóps, hvernig verk- og stoðferlar voru útbúnir og þeim fylgt eftir í framhaldi, hvernig innri úttektir hafa gengið og hvernig undirbúningi þarf að vera háttað þegar úttektaraðilar frá þriðja aðila mæta á svæðið og meta hvernig til hefur tekist. Á fundinn mættu 26 manns. Að fundi loknum fengu fundargestir tækifæri á að skoða verksmiðjuna.
BloggStarfsmenn
mars 21, 2014

Óvissuferð Umslags

Á hverju ári heldur starfsfólk Umslags í óvissuferð og er dagskránni haldið vandlega leyndri. Það var því spenntur hópur sem lagði af stað laugardaginn 15. mars s .l. á vit óvissunar. Fyrsti viðkomustaðurinn var við Gullfoss og Geysi þar sem sjóðheit kjötsúpa var snædd og að því búnu var Gullfoss skoðaður í nístingskulda. Að því loknu stóð til að fara á snjósleða en vegna veðurs var ekki hægt að framkvæma það og fór þá bílstjórinn okkar hjá Amazingtours í smá jeppaferð og var rúllað upp í einn snjókarl á toppnum. Þaðan var brunað beint á Laugarvatn og skelltum okkur í Fontana laugar þar sem gufuböðin voru skoðuð og spriklað í Laugarvatni. Það var ansi kalt og hressandi. Að því loknu var farið í kvöldmat á Cafe Mika Reykholti. Eftir góðan snæðing var keyrt í rólegheitum heim með viðkomu í Hveragerði þar sem stoppað var á einum veitingastað og haldin var stutt pílukeppni við mikinn fögnuð. Hópurinn kom svo til Reykjavíkur eftir 11 tíma ferð með ótrúlegar minningar í farskeytinu. Enn einni óvissuferðinni var lokið, með vissu um, að hún yrði endurtekin að ári.
BloggStarfsmenn
mars 13, 2014

Starfsnám hjá Umslagi

Pálmi Sveinsson í starfsnámi hjá Umslagi Pálmi Sveinsson er nemandi í Tækniskólanum og er á þriðja ári í starfsbraut skólans. Undanfarnar vikur hefur hann verið í starfsnámi hjá okkur í Umslagi ásamt umsjónarkennaranum sínum sem heitir Kristín Jónsdóttir. Pálmi og Kristín koma til okkar á þriðjudagsmorgnum og eru hjá okkur í rúmlega tvo tíma.  Pálmi hefur verið að vinna við alls konar frágangsvinnu og segir að það hafi verið mjög gaman að vinna svona störf. Verkstjórarnir Pálmi Sigurðsson og Marco Vroomen hafa verið Pálma innan handar í verkefnunum og Pálmi segir að það sé nú ekki leiðinlegt að vera með þeim strákum.  Við hjá Umslagi höfum einnig haft mikla ánægju af heimsóknum Pálma og Kristínar og hlökkum til þriðjudaganna. Það eru forréttindi að fá svona gott fólk til okkar.  Ámyndinni má sjá frá vinstri þá nafnanna Pálma Sigurðsson og Pálma Sveinsson, Kristínu Jónsdóttur umsjónarkennara og Marco Vroomen.
BloggStarfsmenn
mars 5, 2014

Umslag styður Mottumars

Það hefur líklega ekki farið fram hjá neinum þegar Mottumars byrjar á hverju ári. Rannsóknir sýna að með heilbrigðum lífsháttum er hægt að koma í veg fyrir 30% krabbameina. Það gerum við t.a.m. með fræðslu og forvörnum en þriðji hver karlmaður fær krabbamein á lífsleiðinni. Við hjá Umslagi styðjum við þetta átak og hvetjum karlmenn til að vera vakandi og sem flesta til að styðja við Mottumars.
Viðurkenningar
febrúar 14, 2014

Umslag framúrskarandi

Creditinfo hefur unnið ítarlega greiningu sem sýnir hvaða íslensku fyrirtæki hafa fengið bestu einkunn í styrk-og stöðugleikamati félagsins og telst rekstur þeirra því til fyrirmyndar. Af rúmlega 33.000 fyrirtækjum sem skráð eru í hlutafélagaskrá verðskulda 462 nafnbótina „Framúrskarandi fyrirtæki 2013“ samkvæmt mati Creditinfo. Í ræðu fjármálaráðherra, Bjarna Benediktssonar kom fram, að það kom honum á óvart hversu strangar reglur giltu fyrir fyrirtæki til að komast í þennan eftirsótta hóp sem er um 1% skráðra fyrirtækja í hluthafaskrá. Hann bætti því jafnframt við, að hann vildi þó ekki tilheyra flokki með 1% fylgi. Við starfsfólk Umslags erum afar stolt yfir þessari viðurkenningu sem staðfestir að okkar fyrirtæki stenst þær átta kröfur sem fylgja vottuninni. Þar má m. a. nefna að við höfum jákvæðan rekstrarhagnað (EBIT) þrjú ár í röð, að ársniðurstaða sé jákvæð fyrirsama tímabil, að eignir sé 80 milljónir eða meira árin 2010-2012 og að eiginfjárhlutfall sé 20% eða meira rekstrarárin 2010-2012. Þeir sem vilja skoða listann yfir þau fyrirtæki sem útnefnd voru geta smellt hér   
BloggStarfsmenn
febrúar 3, 2014

Þorra blótað í Umslagi

Að venju blótuðu starfsmenn Umslags Þorra föstudaginn 31. janúar. Hátíðin hófst með óvissuferð og í þetta sinn fengum við að skoða hið merkilega hús Hörpuna. Það var söngkonan Hulda Björk Garðarsdóttir sem leiddi okkur um sali hússins. Við skoðuðum tónleikasalina og í Eldborg fengum við að sjá hvernig hljóðinu er stjórnað í hliðarrýmum salsins. Ferðin endaði svo í Björtuloftum, en ofar verður ekki komist í húsinu. Hulda Björk kvaddi okkur svo með fögrum söng. Henni er þakkað fyrir frábæra leiðsögn. Að þessu loknu var farið í Umslag og byrjað að gæða sér á þorramat, ýmsum veigum og í framhaldi var farið í alls konar leiki með misjöfnum árangri. Þá tók við söngur og ýmis annar hávaði sem ekki verður sagt frá hér.   Eins og alltaf var þessi skemmtun til stórrar fyrirmyndar. Allir nutu stundarinnar og áttu í framhaldi góðar minningar, með einstaka frávikum.  
Blogg
janúar 20, 2014

Spennandi ár framundan

Við hjá Umslagi teljum að árið sem nú er hafið verði bæði spennandi og kröfuhart. Enda höfum við undirbúið okkur vel. Veruleg aukning hefur verið í vélakaupum í stafrænu prentdeildinni, sem hefur skilað sér í auknum verkefnum á þeim vettvangi. Búið er að stækka pökkunardeildina okkar vegna aukinna verkefna. Við erum komin með ISO 27001 öryggisvottun sem  tryggir að við fylgjum ströngum kröfum um rétta meðhöndlun gagna og upplýsinga sem og notkun ferla í rekstri og aðbúnaði. Og svo erum við einnig með Svansvottunina sem er staðfesting á góðum árangri í umhverfismálum.   Hafðu samband og kynntu þér þá viðamiklu þjónustu sem við erum að bjóða upp á. Við getum örugglega komið þér á óvart.
Umslag
janúar 3, 2014

Áramótakveðja

Starfsmenn Umslags óska viðskiptavinum og öðrum landsmönnum gleðilegs árs og þökkum viðskiptin á liðnu ári.
Blogg
desember 18, 2013

Jólakveðja Umslags

Starfsmenn Umslags óska viðskiptavinum og landsmönnum öllum gleðilegra jóla og þökkum fyrir árið sem er að líða. Meðfylgjandi eru nokkur listaverk frá Litla ljóta myndagallerýinu hjá okkur og uppáhalds myndir starfsmanna. Smellið á stóru myndina og flettið svo á milli til að skoða. Njótið.
Heimsóknir
desember 2, 2013

Jólaskemmtun Umslagskrílanna

Það var gaman hjá yngstu kynslóð Umslags, sunnudaginn 01. desember. Jólasveinninn ákvað að koma aðeins fyrr til byggða og skemmta sér með krökkunum. Það var dansað og sungið í kringum jólatréð og allir fengu smá gotterí úr poka jólasveinsins. Skemmtileg stund og fínasta byrjun á desember.
BloggStarfsmenn
nóvember 20, 2013

Bolarnir bestir

Árlega er haldið keilumót hjá starfsmönnum Umslags og eitt slíkt var haldið 14. nóvember s. l. Fjörið hófst með því að fylgst var með leik Íslendinga og Króata og segja má að frammistaða íslenska liðsins hafi orðið til þess að mikið keppnisskap hljóp í hópinn og sýndu liðin þrjú gríðarlega góða takta og mátti sjá margar óvæntar fellur sem til urðu úr makalausum köstum. (meira…)
KynningarUmslag
október 28, 2013

Umslag sér um ráðstefnu

Umslag ehf. fékk það verðuga verkefni að sjá um allt utanumhald í kringum ráðstefnuna Margs konar miðlun sem haldin var á Grand hóteli, föstudaginn 25.10 síðast liðinn og var á vegum SI og Iðunnar fræðsluseturs. Utanumhaldið fólst í hönnun, heimasíðu, rafrænt fréttabréf og sms sendingar vegna ráðstefnu. Á ráðstefnunni komu fram þeir M.J Anderson frá fyrirtækinu Trekk í Illinois og Kazuyoshi Suga frá Communication Factory í Singapore ásamt Inga Rafni Ólafssyni, sviðsstjóra Prenttæknisviðs Iðunnar. (meira…)
HeimsóknirUmslag
október 21, 2013

Heimsókn til Hobbs prentfyrirtækisins

Framkvæmdastjóri og gæðastjóri Umslags heimsóttu prentfyrirtækið Hobbs fyrir stuttu, en þetta fyrirtæki er staðsett í Hampshire í Bretlandi. Ástæða heimsóknarinnar var m. a. sú að fá kynningu á því hvernig Hobbs hafði innleitt ISO 27001 öryggisstaðalinn ásamt því að skoða hvernig mismunandi verkferlum væri háttað þegar unnið er með trúnaðargögn í prentun, pökkun og hönnun fyrir viðskiptavini Hobbs. (meira…)